به‌پێی هه‌واڵی کوردپرێس، نووسینگه‌ی رۆژنامه‌ڤانی حه‌یده‌ر عه‌بادی سه‌رۆک وه‌زیرانی عێراق ڕای‌گه‌یاند: ڕۆژی یه‌کشه‌ممه 15ی ته‌مووز شێخ سه‌باح ئه‌حمه‌د میری کوه‌یت په‌یوه‌ندییێکی ته‌له‌فۆنی له‌گه‌ڵ حه‌یده‌ر عه‌بادی سه‌رۆک وه‌زیرانی عێراق ئه‌نجام داوه و له په‌یوه‌ندییه‌که‌دا ئاماده‌ییی وڵاته‌که‌ی بۆ هاوکاری کردنی عێراق له داهاتوودا نیشان داوه.
نووسینگه‌ی رۆژنامه‌ڤانی سه‌رۆک وه‌زیرانی عێراق ئاماژه‌ی به‌وه‌ش کردوووه میری کوه‌یت جه‌ختی له‌سه‌ر ئاماده‌ییی وڵاته‌که‌ی بۆ هاوکاری کردنی عێراق کردوووه‌ته‌وه بۆ دووباره بونیادنانه‌وه و دروست کردنی پڕۆژه‌ی خزمه‌تگوزاری و چاره‌سه‌رکردنی کێشه‌ی ئاو له پارێزگای به‌سره.
شایانی باسه؛ له هه‌فته‌ی ڕابردوودا خۆپیشاندان باشووری عێراقی گرتوووه‌ته‌وه و به تایبه‌ت له به‌سره که خۆپیشاندان له‌و پارێزگایه‌وه ده‌ستی پێکرد، خه‌ڵک داوای خزمه‌تگوزاری ده‌که‌ن له پارێزگاکه‌یان که یه‌کێک له کێشه سه‌ره‌کییه‌کانیان ئاوی خواردنه‌وه‌یه.
سه‌رچاوه: ڕووداو
کۆدی هه‌واڵنێر: 60103
Your Comment