بەپێی هەواڵی کوردپرێس، حه‌سه‌ن جه‌عفه‌ری، به‌ڕێوه‌به‌ری په‌یوه‌ندییه‌ گشتییه‌كانی فڕۆكه‌خانه‌ی مه‌شهه‌د‌ رایگه‌یاند: ‌تا كاتێكی نادیار رێڕه‌وی گه‌شته‌ ئاسمانییه‌كان له‌ مه‌شهه‌ده‌وه‌ بۆ نه‌جه‌ف گۆڕاوه‌ بۆ به‌غدا.

ناوبراو وتیشی: "به‌هۆی ئه‌و دۆخه‌ ئه‌منییه‌ی له‌ فڕۆكه‌خانه‌ی نه‌جه‌ف هه‌یه ‌و تا ئه‌و دۆخه‌ به‌رده‌وام بێت سه‌رجه‌م گه‌شته‌ ئاسمانییه‌كانمان بۆ نه‌جه‌ف ده‌گۆڕدرێن بۆ به‌غدا".

به‌ڕێوه‌به‌ری په‌یوه‌ندییه‌ گشتییه‌كانی فڕۆكه‌خانه‌ی مه‌شهه‌د ئاماژه‌ی به‌وه‌ش داوه‌ كه‌ گه‌شتێكی هێڵی ئاسمانی عێراق كه‌ بڕیاربوو كاتژمێر 12:30 خوله‌كی ئه‌مڕۆ به‌ره‌و نه‌جه‌ف ئه‌نجام بدرێت، هه‌ڵوه‌شێنرایه‌وه‌ و له‌ دواتردا ئه‌و گه‌شته‌ به‌ره‌و به‌غدا ئه‌نجام ده‌درێت.

کۆدی هەواڵنێر: 60113