به‌پێی هه‌واڵی کوردپرێس، جه‌بار یاوه‌ر له كۆنگره‌یێكى رۆژنامه‌وانیدا ڕای‌گه‌یاند: به هه‌ماهه‌نگی له‌گه‌ڵ هێزه‌کانی هاوپه‌یمانان به‌ڕێوه‌به‌رایه‌تییێکی چاکسازییان له ناو وه‌زاره‌تدا کردوووه‌ته‌وه و له کۆی ٣٥ پڕۆژه‌ش تا ئێستا یه‌ک پڕۆژه‌یان ته‌واو کراوه.
جه‌بار یاوه‌ر سه‌باره‌ت به گه‌ڕانه‌وه‌ى هێزه‌كانى پێشمه‌رگه بۆ که‌رکووک وتیشى: "هیچ كۆبوونه‌وه‌یێكى فه‌رمى له نێوان وه‌زاره‌تى پێشمه‌رگه و وه‌زاره‌تى به‌رگریی عێراق نه‌كراوه بۆ جێبه‌جێ كردنى ئه‌و میكانیزمه‌ى به‌ر له ساڵى 2014 هه‌بوووه بۆ پاراستنى ناوچه كوردستانییه‌كانى ده‌ره‌وه‌ى ئیداره‌ى هه‌رێم."
ئه‌مینداری گشتیی وه‌زاره‌تی پێشمه‌رگه ئاماژه‌ی به‌وه‌ش کرد: "کاره‌کانی لیژنه‌ی لێکۆڵینه‌وه له ته‌قینه‌وه‌ی کۆگاکانی چه‌ک و ته‌قه‌مه‌نی به‌رده‌وامه".
سه‌رچاوه: خه‌ندان
کۆدی هه‌واڵنێر: 60103
Your Comment