بەپێی هەواڵی کوردپرێس، بۆردومانەکە شەوی یەکشەممە 8/7/2018 کراوەتە سەر فڕۆکەخانەی سەربازیی تی فۆر لە پارێزگای حمس. شوێنێکی ئەو بنکە ئاسمانییە کە کراوەتە ئامانج هەماری چەک و تەقەمەنیی ئیستراتێژیکی سووریا بووە.

هەروەک میدیا سوورییەکان جەخت لەوە دەکەنەوە، کە فڕۆکە جەنگییەکانی ڕەژیمی زایۆنی بۆردومانەکەیان ئەنجام داوە، بەڵام ڕەژیمی زایۆنی تا ئێستا ڕەتی دەکاتەوە هیچ لێدوانێک لەو بارەیەوە بدات.

سیستەمی بەرگریی ئاسمانیی سووریا مووشەکەکانی کردۆتە ئامانج و بەهۆیەوە فڕۆکەیێکی ئیسرایلیی لەناو چووە و دیکەی فڕۆکەکانیش پاش ئەو هێرشە لە ئاسمانی ناوچەکە دوور کەوتوونەتەوە.

کۆدی هەواڵنێر: 60113