به‌پێی هه‌واڵی کوردپرێس، دلێر ماوه‌تی سه‌رۆكی فراكسیۆنی یه‌كێتی له په‌رله‌مانی كوردستان به SNNی ڕاگه‌یاند: "له په‌رله‌مانی كوردستان واژۆ بۆ بانگهێشت كردنی كۆمیسیۆن كۆكراوه‌ته‌وه و به‌گوێره‌ی واده‌ی یاسایییش بڕیاروایه له دوو هه‌فته‌ی داهاتوودا په‌رله‌مان كۆمیسیۆنی باڵای هه‌ڵبژاردن و ڕاپرسیی هه‌رێم بانگی په‌رله‌مان بكات."
ناوبراو وتیشی: "له كۆبوونه‌وه‌كه‌دا په‌رله‌مانی كوردستان لێكۆڵینه‌وه له كاره‌كانی كۆمیسیۆن ده‌كات له‌باره‌ی پاکكردنه‌وه‌ی تۆماری ده‌نگده‌ران و چۆنێتیی میكانزمی كاره‌كانیان و دامه‌زراندنی كارمه‌ندان بۆ سه‌ر سندوقی ده‌نگدان و پێویستیه مادیه‌كانیان."
هه‌ر له‌وباره‌شه‌وه شۆڕش حه‌سه‌ن به‌رپرسی ڕاگه‌یاندنی كۆمیسیۆنی باڵای هه‌ڵبژاردن و ڕاپرسیی هه‌رێم له لێدوانێكدا بۆ SNN ئاماژه‌ی به‌وه دا تا ئێستا هیچ نووسراوێكیان له‌لایه‌ن په‌رله‌مانه‌وه بۆ نه‌چوووه.
ئه‌وه‌شی وت: "تا ئێستا له‌لایه‌ن په‌رله‌مانه‌وه به فه‌ڕمی بانگهێشت نه‌كراوین و ته‌نها له ڕاگه‌یاندنه‌وه بیستوومانه."
کۆدی هه‌واڵنێر: 60103
Your Comment