به‌پێی هه‌واڵی کوردپرێس، ئه‌كره‌م ساڵح ئه‌ندامی ئه‌نجومه‌نی سه‌ركردایه‌تیی پارتی ده‌ڵێت: بابه‌تی زیاد كردن یان كه‌م كردنه‌وه‌ی ژماره‌ی كورسییه‌كانی په‌رله‌مانی كوردستان به ‌ته‌نها به‌ داخوازی نابێت به‌ڵكوو پێویستی به‌ كۆده‌نگی و ‌هه‌موار كردنه‌وه‌ی یاسا هه‌یه‌.

ناوبراو ئاماژه‌ی به‌وه‌ش كرد زیادكردن یان كه‌م كردنه‌وه‌ی ژماره‌ی كورسییه‌كانی په‌رله‌مانی كوردستان پێویستی به‌ هه‌موار كردنه‌وه‌ی یاسا هه‌یه‌ "بۆیه‌ ئه‌وه‌ی باس ده‌كرێت و داوا ده‌كرێت له‌باره‌ی كه‌م كردنه‌وه‌ی ژماره‌ی كورسییه‌كانی په‌رله‌مانه‌وه‌ له‌ ڕایێک زیاتر نییه‌."

له‌ ئێستادا چه‌ند فراكسیۆنێكی په‌رله‌مان به‌ بیانووی زۆری ژماره‌ی كورسییه‌كانی په‌رله‌مان داوا و پێشنیاز بۆ كه‌م كردنه‌وه‌ی ژماره‌ی كورسییه‌كان ده‌كه‌ن.

سه‌رچاوه‌: تۆڕی هه‌واڵی سلێمانی (SNN)

کۆدی هه‌واڵنێر: 60103