کوردپرێس:

ڕۆژی 28ی 6ی 2018، سەلیم جبوری سەرۆكی ئەنجومەنی نوێنەرانی عێراق، لە لێدوانێكی رۆژنامەوانیدا رایگەیاند: لەهەفتەی داهاتووەوە پرۆسەی ژماردنەوەی دەنگەكانی هەڵبژاردن بەدەست، دەست پێدەكات.

لێدوانەكەی جبووری، دوای شكستهێنانی ئەنجومەنی نوێنەران هات لە ئەنجامدانی دانیشتنێكی نائاسایی بۆ تێپەڕاندنی پرۆژە بڕیاری درێژكردنەوەی تەمەنی ئەم خولەی پەرلەمان، كە رۆژی یەكشەممەی داهاتوو 1ی 7، كۆتایی بە كارەكانی دێت.

لەو بارەیەوە، عیماد یوحەنا بڕیاردەری ئەنجومەنی نوێنەران، رایگەیاندووە، ژماردنەوەی دەستیی دەنگەكان، نزیكەی دوو مانگی پێویستە، بۆیە دەبێت كارەكانی پەرلەمانیش تا ئەو كاتە بەردەوام بێت.

بەپێی بڕیارێكی دادوەرانی كۆمسیۆنی باڵای سەربەخۆی هەڵبژاردنەكانی عیراق، بەدەست ژماردنەوەی دەنگەكانی هەڵبژاردنەكەی 12ی 5، تەنها ئەو سندوقانە دەگرێتەوە، كە سكاڵایان لەسەری هەیە.