به‌پێی هه‌واڵی کوردپرێس، عه‌لى حسێنى گوتيشى: "ته‌رمه‌كان له‌ گوندى ده‌روێش عه‌لى ئه‌وپه‌ڕى باشوورى ڕۆژئاوای خورماتوو دۆزراونه‌ته‌وه‌ و دواتر گواستراونه‌ته‌وه‌ بۆ پزيشكى دادوه‌رى."

هه‌روه‌ها گوتى: "به‌داخه‌وه‌ ته‌رمه‌كان به‌ جۆرێک شێوێندراوون كه‌ ناناسرێنه‌وه‌."

ڕۆژى 23ى ئه‌م مانگه‌ ئاژانسى (ئه‌عماق)ى سه‌ر به‌ داعش گرته‌يێكى ڤيديۆيى تايبه‌ت به‌ ڕفاندنى 6 كه‌سى بڵاو كرده‌وه‌ كه‌ داعش هه‌ڕه‌شه‌ى كوشتنى ده‌كردن ئه‌گه‌ر له‌ 3 ڕۆژدا ده‌ستگيركراوه‌ سوننه‌كانى زيندانه‌كانى عێراق ئازاد نه‌كرێن.

ئه‌و ده‌ستگيركراوانه‌ كارمه‌ندى پۆليس و حه‌شدى شه‌عبى بوون و له‌سه‌ر ڕێگه‌ى به‌غدا- كه‌ركووک له‌ لايه‌ن داعشه‌وه‌ رفێندرابوون.

له‌و باره‌يه‌وه‌ شوان عه‌بدول به‌رپرسی به‌شی راگه‌یاندنی نه‌خۆشخانه‌ی خورماتوو به ‌کوردستان 24ی ڕاگه‌یاند: چوارشه‌ممه‌ 27ی حوزه‌یران 8 ته‌رم گه‌يه‌ندراونه‌ته‌ به‌شی دادی نه‌خۆشخانه‌ی خورماتوو.

هه‌روه‌ها گوتیشی: "ته‌رمه‌کان ئه‌و که‌سانه‌ن که‌ داعش هه‌ڕه‌شه‌ی کوشتنی لێ کردبوون و داوای دیل به‌دیلی ده‌کرد له‌ حکوومه‌تی عێراق.

ڕوونیشی کرده‌وه‌ ڕفێندراوه‌كان پێش كوشتنيان ده‌ست و قاچیان بڕاوه‌ و ته‌رمه‌کانیان لای سه‌فره‌ فڕێ دراوه‌ له ‌نزیک پارێزگای دیاله‌.

ئاماژه‌شى بۆ ئه‌وه‌ كرد رفێندراوه‌كانى لای داعش 6 که‌س بوون، دوو ته‌رمی دیکه‌شیان له‌گه‌ڵ فڕێ دراوه‌ به‌ڵام ناسنامه‌یان دیار نییه‌.

کۆدی هه‌واڵنێر: 60103