به‌پێی هه‌واڵی کوردپرێس، مه‌لا كه‌ریم برادۆستی به‌رپرسی كۆمیته‌ی برادۆستی یه‌كێتیی نیشتیمانی كوردستان ڕای‌گه‌یاند: "تا ئێستا سوپای توركیا له سێ ناوچه‌ی (به‌رمیزه، چیای دێڵ و چیای كه‌وێت) جێگیر كراون و شه‌وانه‌ش له‌لایه‌ن گه‌ریلاكانی په‌كه‌كه‌وه به شێوه‌یێكی پارتیزانی ده‌كرێنه ئامانج و لێیان ده‌درێت."
ناوبراو وتیشی: "هیچ ئاماده‌كارییێكی به‌رفراوانیش نییه تاوه‌كوو شه‌ڕێكی گه‌وره له‌و ناوچه‌یه ڕوو بدات و وه‌ک ئه‌وه‌ی له ڕاگه‌یاندنه‌كانه‌وه باس ده‌كرێت."
برادۆستی زانیاری له‌باره‌ی جموجۆڵه‌كانی سوپای توركیا ئاشكرا ده‌کات و ده‌شڵێت: "شه‌ڕه‌كان زیاتر له شه‌واندا ڕوو ده‌دات و بۆردومانه‌كانیش زیاتر له كاتی ئاڵوگۆڕی هێزه‌كانی توركیا و هێنانی خواردن بۆ سه‌ربازانی ئه‌و وڵاته ئه‌نجام ده‌درێن به تایبه‌ت له گونده‌كان كه له ناوچه ئاوه‌دانه‌كانه‌وه نزیكن."
ناوبراو ڕاشی‌گه‌یاند: "هیچ خێزانێک له ماوه‌ی ڕابردوودا ناوچه‌كه‌یان به‌هۆی مه‌ترسیی چه‌كدارانی توركیاوه چۆڵ نه‌کردوووه و مه‌ترسییێكی ئه‌وتۆشیان له‌سه‌ر هاووڵاتییانی برادۆست دروست نه‌كردوووه تاوه‌كوو ماڵه‌كانیان جێبهێڵن."
سه‌رچاوه: تۆڕی هه‌واڵی سلێمانی (SNN)
کۆدی هه‌واڵنێر: 60103
Your Comment