به‌پێی هه‌واڵی کوردپرێس، سه‌رچاوه‌یێکی ئه‌منی له پارێزگای که‌رکووک ئاشکرای کرد: مه‌لا نه‌وزاد جه‌والی سه‌رکرده‌ی سه‌ربازیی دیاری داعش له که‌رکووک له گوندی دوکشی نێوان هه‌ر دوو ناحیه‌ی تازه و ره‌شاد له‌لایه‌ن چه‌کداره‌کانی حه‌شدی تورکمانییه‌وه کوژراوه.
سه‌رچاوه‌که باس له‌وه‌ش ده‌کات: مه‌لا نه‌وزاد جه‌والی یه‌کێک بوووه له سه‌رکرده سه‌ربازییه‌کانی هێڵی پێشه‌وه له ئه‌نجومه‌نی سه‌ربازیی داعش و کاری سه‌ره‌کیی ناوبراو کوشتن و ڕفاندنی هاووڵاتییان و ئه‌ندامانی هێزه ئه‌منییه‌کان بوووه له‌سه‌ر ڕێگا سه‌ره‌کییه‌کانی نێوان شاره‌کان و ڕێگای سه‌ره‌کیی که‌رکووک- به‌غدا، هه‌روه‌ها په‌لاماردان و هه‌ڵکوتانه سه‌ر گونده دووره‌ده‌سته‌کان و کوشتنی هاووڵاتییانی مه‌ده‌نی و مۆڵگه‌ی سه‌ره‌کیی خۆحه‌شاردانیشی ناوچه‌ی چای سنووری قه‌زای خورماتو بوووه.
سه‌رچاوه: سبه‌ی
کۆدی هه‌واڵنێر: 60103
Your Comment