به‌پێی هه‌واڵی کوردپرێس، محه‌مه‌د عومه‌ر به‌رپرسی کۆمیته‌ی یه‌کێتیی نیشتمانیی کوردستان له قه‌ره‌ته‌په ڕای‌گه‌یاندوووه: "ھێزه عێراقییه‌کان له کاتی ئۆپه‌راسیۆنه‌که تووشی تیرۆریستانی داعش ده‌بن و له ئه‌نجامی ڕووبه‌ڕوبوونه‌وه‌ی نێوانیان هێلیکۆپته‌ره‌کانی سوپای عێراق ئۆتومبێلێکی جۆری تۆیۆتای تیرۆریستان ده‌سووتێنن."
ناوبراو ده‌شڵێت: "جیا له سووتاندنی ئۆتۆمبێلێک، سوپا ده‌ستی به سه‌ر تۆتۆمبێلێکی‌تردا گرتوووه به‌ڵام تا ئێستا زیانه گیانییه‌کانی ئۆپه‌راسیۆنه‌که نه‌زانراوه."
شایانی باسه؛ ماوه‌یێکه جموجۆڵی داعش و گرووپه چه‌کداره‌کان له پارێزگای دیاله زیادی کردوووه و تاکوو ئێستاش چه‌ندین که‌سیان له دانیشتوووانی ناوچه‌که کردۆته قوربانی و ئه‌مه‌ش ترس و دڵه‌ڕاوکێ له نێو دانیشتوووانی ئه‌و ناوچانه په‌یدا کردوووه.
سه‌رچاوه: K24
کۆدی هه‌واڵنێر: 60103
Your Comment