به‌پێی هه‌واڵی کوردپرێس، ڕۆژی شه‌ممه 23ی حوزه‌یران عبدالخالق ته‌لعه‌ت له كۆنگره‌یێكی رۆژنامه‌وانیدا ڕای‌گه‌یاند: هۆكارێكی دیكه‌ی دروست بوونی ئه‌و كێشانه چاره‌سه‌ری كێشه‌كانن به ڕێگه‌ی كۆمه‌ڵایه‌تی له ده‌ره‌وه‌ی یاسا و ئاماده نه‌بوونی تاوانبار له به‌رده‌م دادگا و یاسا و تاوانبار به چاره‌سه‌ری كۆمه‌ڵایه‌تی له ناو كۆمه‌ڵگادا ده‌مێنێته‌وه و ئه‌گه‌ری دووباره ئه‌نجامدانی تاوانی هه‌یه .
ناوبراو ئاماژه‌ی به‌وه‌ش كرد "به‌رده‌وام لێكۆڵینه‌وه له تاوانه‌كان و هه‌وڵی ده‌ستگیر كردنی تاوانباران ده‌ده‌ن و له ئیستاشدا زیاتر له هه‌زار و 650 تاوانبار له گرتووخانه‌كاندان و له سه‌ر ئه‌و ڕووداوانه‌ی چه‌ند ڕۆژی ڕابردوویش 6 تاوانبار ده‌ستگیر كراون و دانیان به تاوانه‌كانیاندا ناوه".
به‌رێوه‌به‌ری پۆلیسی هه‌ولێر وتیشی: تا ئێستا نه‌توانراوه دیارده‌ی هه‌ڵگرتنی چه‌ک بنه‌بڕ بكه‌ن و له هه‌وڵی ئه‌وه‌دان به یه‌كجاری مۆڵه‌تی هه‌ڵگرتنی چه‌ک به هاووڵاتیان نه‌هێڵن ته‌نها بۆ ئه‌و كه‌سانه نه‌بێت كه حاڵه‌تی جیاوازیان هه‌یه.
ناوبراو ده‌شڵێت: له ئێستادا تیمه‌كانی پۆلیس و ئاسایش شه‌وانه له گه‌ڕاندان و خه‌ڵكێكی زۆریش به هۆی هه‌ڵگرتنی چه‌كه‌وه ده‌ستگیر كراون و لێكۆڵینه‌وه‌یان له‌گه‌ڵدا كراوه.
سه‌رچاوه: خه‌ندان
کۆدی هه‌واڵنێر: 60103
Your Comment