بەپێی هەواڵی کوردپرێس، ئەمڕۆ 19ی خاکه‌لێوه‌ی 1399 به‌رانبه‌ر به‌ 7ی ئەیپرێڵی 2020 کیانووش جه‌هانپوور وته‌بێژی وه‌زاره‌تی ته‌ندروستیی ئێران له‌ پرێس کۆنفڕانسێکدا ڕایگەیاند له‌ ماوه‌ی 24 کاتژمێری ڕابردوودا 2089 که‌یسی نوێی تووشبووی کۆڤیدی-19 له‌ ئێران تۆمار کراوه‌ و به‌وه‌ش ئاماری تووشبووان تا ئه‌م کاته‌ گەیشتە 62589 حاڵەت.

ناوبراو ئاماژه‌ی به‌وه‌ کرد که‌ به‌داخه‌وه‌ له‌ 24 کاتژمێری ڕابردوودا 133 کەس به‌هۆی کۆرۆناوه‌ گیانیان له‌ده‌ست داوه‌ و به‌وه‌شه‌وه‌ کۆی مردووان به‌هۆی نه‌خۆشینه‌که بووەتە 3872 کەس.

ناوبراو ئاماژه‌ی به‌وه‌ کرد که‌ تاکوو ئێستا به‌خته‌وه‌رانه‌ 27039 تووشبووی کۆرۆنا ڤایرۆسه‌که‌یان په‌ڕاندووه‌ و چاک بوونه‌ته‌وه‌ و گه‌ڕاونه‌ته‌ ماڵه‌وه‌.

جەهانپوور وتیشی تائێستا 211 هەزار و 136 تاقیکاری بۆ دۆزینەوەی تووشبووان لە وڵات ئەنجام دراوە.

کۆدی هەواڵنێر: 60113