بەپێی هەواڵی کوردپرێس، ئەمڕۆ شه‌ممه‌ 16ی خاکه‌لێوه‌ی 1399 به‌رانبه‌ر به‌ 4ی ئەیپرێڵی 2020 کیانووش جه‌هانپوور وته‌بێژی وه‌زاره‌تی ته‌ندروستیی ئێران له‌ پرێس کۆنفڕانسێکدا ڕایگەیاند له‌ ماوه‌ی 24 کاتژمێری ڕابردوودا 2560 که‌یسی نوێی تووشبووی کۆڤیدی-19 له‌ ئێران تۆمار کراوه‌ و به‌وه‌ش ئاماری تووشبووان تا ئه‌م کاته‌ گه‌یشتۆته‌ 55 هەزار و 743 کەس.

ناوبراو ئاماژه‌ی به‌وه‌ کرد که‌ تاکوو ئێستا به‌خته‌وه‌رانه‌ 19736 تووشبووی کۆرۆنا ڤایرۆسه‌که‌یان په‌ڕاندووه‌ و چاک بوونه‌ته‌وه‌ و گه‌ڕاونه‌ته‌ ماڵه‌وه‌ و زیادی کرد: به‌داخه‌وه‌ له‌ 24 کاتژمێری ڕابردوودا 158 که‌س به‌هۆی کۆرۆناوه‌ گیانیان له‌ده‌ست داوه‌ و به‌وه‌شه‌وه‌ کۆی مردووان به‌هۆی نه‌خۆشینه‌که‌ بۆته‌ 3452 که‌س.

جه‌هانپوور له‌ درێژه‌دا باسی له‌وه‌ کرد که‌ 4103 تووشبووی کۆرۆنا دۆخێکی ناجێگیریان هه‌یه‌.

کۆدی هەواڵنێر: 60113