کوردپرێس:

فه‌خره‌ددین کۆجا وه‌زیری ته‌ندروستیی تورکیا له‌ په‌یامێکدا مردنی 46 که‌سی دیکه‌ی به‌هۆی ڤایرۆسی کۆرۆنا له‌ وڵاته‌که‌ی پشتڕاست کرده‌وه‌ که‌ به‌مه‌ش ژماره‌ی ئه‌وانه‌ی به‌هۆی په‌تاکه‌وه‌ گیانیان له‌ده‌ست داوه‌ گه‌یشتۆته‌ 214 که‌س و ئاماری گشتیی تووشبووان به‌و نه‌خۆشییه‌ش گه‌یشتۆته‌ 13531 که‌س.

ناوبراو ئاماری نوێی تووشبووان به‌ ڤایرۆسی کۆرۆنای له‌ تورکیا بڵاو کرده‌وه‌ و ڕای‌گه‌یاند: "له‌ ماوه‌ی 24 کاژێری رابردوودا 15 هه‌زار و 422 پشکنین ئه‌نجام دراون که‌ ئه‌نجامی تاقیکردنه‌وه‌ی دوو هه‌زار و 704 که‌س ئه‌رێنی ده‌رچووه‌ و هه‌ڵگری ڤایرۆسه‌که‌ن و به‌مه‌ش ئاماری گشتیی تووشبووان به‌و نه‌خۆشییه‌ بۆ 13 هه‌زار و 531 که‌س به‌رز بۆته‌وه‌. ژماره‌ی تاقیکردنه‌وه‌کان له‌ چاو ڕۆژانی ڕابردوودا 25 له‌سه‌د به‌رز بۆته‌وه‌ و ژماره‌ی تاقیگه‌کان بۆ 75 ناوه‌ند زیاد کراوه‌. ئه‌مه‌ش له‌ حاڵێکدایه‌ که‌ دیاری‌کردنی تووشبووان به‌ په‌تای کۆڤیدی-19 ده‌ورێکی به‌رچاوی له‌ کۆنتڕۆڵ‌کردنی نه‌خۆشینه‌که‌ هه‌یه‌ و نابێ چاو له‌ ئیزۆله‌کردنی کۆمه‌ڵایه‌تی دابخه‌ین."

سه‌رچاوه‌: هه‌واڵده‌ریی هابر 7

کۆدی هه‌واڵنێر: 60103