کوردپرێس:

فه‌خره‌ددین کۆجا وه‌زیری ته‌ندروستیی تورکیا مردنی 23 که‌سی دیکه‌ی به‌هۆی ڤایرۆسی کۆرۆنا له‌ وڵاته‌که‌ی پشتڕاست کرده‌وه‌ که‌ به‌مه‌ش ژماره‌ی ئه‌وانه‌ی به‌هۆی په‌تاکه‌وه‌ گیانیان له‌ده‌ست داوه‌ گه‌یشته‌ 131 که‌س و ئاماری گشتیی تووشبووەکانیش گه‌یشته‌ 9217 که‌س.

وه‌زیری ته‌ندروستیی تورکیا باسی له‌وه‌ کرد که‌ له‌ ماوه‌ی 24 کاتژمێری ڕابردوودا 1 هه‌زار و 815 که‌سی دیکه‌ تووشیاری ڤایرۆسی کۆرۆنا بوون و جه‌ختی کرده‌وه‌: له‌ ماوه‌ی 24 کاتژمێری ڕابردوودا 9 هه‌زار و 982 تێستی کۆرۆنا له‌ تورکیا ئه‌نجام درا‌ که‌ له‌م ژماره‌یه‌ 1 هه‌زار و 815 تێستی پۆزه‌تیڤ بوو‌ و هه‌ڵگری ڤایرۆسه‌که‌ بوون و به‌م شێوه‌یه‌ ژماره‌ی تووشبووان به‌ په‌تای کۆڤیدی-19 له‌ تورکیا بۆ 9 هه‌زار و 217 که‌س به‌رز بوویه‌وه‌.

شایانی باسه‌؛ تورکیا له‌ ماوه‌ی 24 کاتژمێری ڕابردوودا زیاترین ئاماری مردنی به‌هۆی نه‌خۆشیی کۆرۆنا له‌و وڵاته‌ تۆمار کردووه‌.

سه‌رچاوه‌: هه‌واڵده‌ریی T24

کۆدی هه‌واڵنێر: 60103