کوردپرێس:
مێهمه‌ت به‌شیر ئۆنجه‌ل سه‌رۆکی 49 ساڵه‌ی بانکی یاپی کریدی (YK)ی ئامه‌دی تورکیا به‌هۆی په‌تای کۆڤیدی-19وه له نه‌خۆشخانه‌ی غازی یاشارگیلی ئامه‌د گیانی خۆی له‌ده‌ست دا.
20 ڕۆژ پێش ئێستا ئۆنجه‌ل به‌هۆی نه‌خۆشینه‌وه سه‌ردانی نه‌خۆشخانه‌ی کردبوو و دکتۆره‌کان به ناوبراویان گوتبوو که په‌تای گرتووه به‌ڵام دوای ماوه‌یێک به‌بۆنه‌ی جێگیرنه‌بوونی باری ته‌ندروستی موڕه‌خه‌سی گرتبوو و 9 ڕۆژ له نه‌خۆشخانه‌دا بوو که له ئه‌نجامدا به‌هۆی نه‌خۆشیی کۆرۆناوه کۆچی دوایی کرد.
له ئێستادا بانکی YKی لقی ئامه‌د داخراوه و سه‌رجه‌م فه‌رمانبه‌رانی خراونه‌ته که‌ره‌نتینه‌وه.
هه‌واڵه نافه‌رمییه‌کان باس له بڵاوبوونه‌وه‌ی به‌ربڵاوی کۆرۆناڤایرۆس له پارێزگای کوردنشینی ئامه‌د ده‌که‌ن.
شایانی باسه، تورکیا له ئاراسته‌کردنی ئاماری تووشبوونی خه‌ڵک له پارێزگاکان و گیانله‌ده‌ستدانی هاوڵاتییان به‌هۆی نه‌خۆشیی کۆرۆنا دووره‌په‌رێزی ده‌کات.
سه‌رچاوه: ڕۆژنامه‌ی دیوار
کۆدی هه‌واڵنێر: 60103
Your Comment