کوردپرێس:

ڕۆژی 5شەمە 7ی خاکەلێوەی 1398 بەرانبەر بە 26ی مارچی 2020 کیانووش جەهانپوور وتەبێژی وەزارەتی تەندروستیی ئێران لە پرێس کونفڕانسێکدا ڕایگەیاند لە ماوەی 24 کاتژمێری ڕابردوودا 2389 کەیسی نوێی تووشبووی کۆرۆنا لە ئێران تۆمار کراوە و بەوەش ئاماری تووشبووان تا ئەم کاتە گەشتۆتە 29406 کەس.

جەهانپوور زیادی کرد لە 24 کاتژمێری ڕابردوودا 157 کەس بە هۆی کۆرۆناوە گیانیان لە دەست داوە و بەوەشەوە کۆی ئاماری مردووان بە هۆی کۆرۆناش گەشتۆتە 2234 کەس و ژمارەی ئەو کەسانەش کە لە ڤایرۆسەکە ڕزگار بوون و تەندروستییان جێگیرە دەگاتە 10 هەزار و 457 کەس.

شایانی باسە ئەمڕۆ وەزارەتی ناوخۆی ئێران لە ڕێنماییێکی نوێدا کۆمەڵێک قەدەغەی هاتوچۆ و دەرچوون لە ماڵ و گەشتکردنی دەرکرد و ڕایگەیاند ئەرکی سەرشانی هەموو هاووڵاتییانە کە گوێبیستی ڕێنمایییەکانی وەزارەتی ناوخۆ بن و ئەوەی سەرپێچی لە ڕێنمایییەکان بکات سزا دەدرێت.

کۆدی هەواڵنێر: 60101