ئۆمید قادری به هه‌واڵنێری کوردپرێسی ڕاگه‌یاند: له ڕۆژانی ڕابردوودا ڤیدیۆیێک له تۆڕه کۆمه‌ڵایه‌تییه‌کان بڵاو کرایه‌وه که پیشانده‌ری دروست‌کردنی گۆڕستانی بێ‌مۆڵه‌ت له ده‌وروبه‌ری پارکی خۆڕهه‌ڵاتی کرماشان بوو.
به‌ڕێوه‌به‌ری میراتی فه‌رهه‌نگی، پیشه‌ی ده‌ستی و گه‌شتیاریی پارێزگای کرماشان زیادی کرد: بابه‌ته‌که هه‌ستیاری له نێوان خه‌ڵک و به‌تایبه‌ت چالاکوانانی کۆمه‌ڵایه‌تی و فه‌رهه‌نگی و هه‌ندێک له به‌رپرسانی باڵای پارێزگای کرماشان دروست کرد.
قادری له درێژه‌دا ئاماژه‌ی به‌وه کرد که ده‌ستبه‌جێ دادستێنی کرماشان ده‌ستووری ڕووخاندنی دیواره‌کان و بینا بێ‌مۆڵه‌ته‌که‌ی دا و ئێواره‌ی ڕۆژی دووشه‌ممه 4ی خاکه‌لێوه‌ی 1399 دیواره‌کان ڕووخێندران.
ناوبراو جه‌ختیشی کرده‌وه: تاکوو ئێستا هه‌ندێک جیاوازیی ڕاوبۆچوونمان له‌باره‌ی دروست‌کردنی بینا له ده‌وروبه‌ری تاقه‌وسان له‌گه‌ڵ شاره‌وانی بووه که له کۆبوونه‌وه‌ی ئیداره‌ی پارێزگادا چاره‌سه‌ر کراون و بابه‌تی تێلێکابین و فانفار یه‌ک له‌و بابه‌تانه‌یه.
له کۆتاییدا به‌ڕێوه‌به‌ری گشتیی میراتی فه‌رهه‌نگی، پیشه‌ی ده‌ستی و گه‌شتیاریی پارێزگای کرماشان گله‌یی له شاره‌وانیی ئه‌و پارێزگایه کرد به‌بۆنه‌ی پێدانی مۆڵه‌ت بۆ دروست‌کردنی بینا له شوێنه مێژووییه‌کان.
کۆدی هه‌واڵنێر: 60103
Your Comment