کوردپرێس:

غوڵام حوسێن ئیمساعیلی وتەبێژی دەسەڵاتی دادی ئێران رایگەیاند، بۆ رێگریکردن لە بڵاوبونەوەی زیاتری ڤایرۆسی کۆرۆنا، بەشێوەیێکی کاتی 85 هەزار بەندکراویان ئازاد کردووە، کە هەزار بەندکراویان لە نێوان زیندانییە سیاسییەکاندان.

ناوبراو ئاماژەی بەوەش کرد، لەسەدا 50ی ئەو بەندکراوانەن کە لەبەر هۆکاری ئەمنی بەند کرابوون، ئەوەش سەرەڕای ئەوەی بڕیارەکە ئەو کەسانە ناگرێتەوە کە دەبنە هۆی تێکدانی ئاسایشی وڵات.

بەگوێرەی ئاماری وەزارەتی تەندروستیی ئێران تا ئێستا 14 هەزار و 991 حاڵەتی توشبون و 853 حاڵەتی گیان لەدەستدان بەهۆی ڤایرۆسی کۆرۆناوە لە ئێران تۆمار کراوە.

کۆدی هەواڵنێر: 60101