بەپێی هەواڵی کوردپرێس، مه‌هدی شووشته‌ری سه‌رکونسوڵی کۆماری ئیسلامیی ئێران له سلێمانی له پیامێکدا بۆ به‌ڕێز ئازاد توفیق، پارێزگاری هه‌ڵه‌بجه، یاد و یاده‌وه‌ری شه‌هیدانی ئه‌و کاره‌ساته دڵته‌زێنه‌ی به‌رز ڕاگرت.
شووشته‌ری له په‌یامه‌که‌یدا ئه‌وه‌ی وە‌بیرهێنایه‌وه که ئه‌م ڕووداوه تاوانکاریه له دژی خه‌ڵکی سته‌ملێکراو و قاره‌مانی هه‌ڵه‌بجه له لایه‌ن ڕژێمێکی تاوانکار و به سوودوه‌رگرتن له چه‌کی کیمیاویی دروستکراو له‌لایه‌ن هه‌ندێک له وڵاته ڕۆژئاواییه‌کانی بانگه‌شه‌کاری به‌رگری له مافی مرۆڤه‌وه، یه‌کێک بوو له تراژیدیه گه‌وره‌کانی دژ به مرۆڤایه‌تی و کۆمه‌ڵگه‌ی نێوده‌وڵه‌تی. بۆیه مرۆڤایه‌تی له‌م ڕووه‌وه قه‌رزاری هه‌ڵه‌بجه و خه‌ڵکی به‌شه‌ره‌فی ئه‌و شاره‌یه.
له به‌شێکی دیکه‌ی په‌یامه‌که‌دا مه‌هدی شووشته‌ری ئاماژه‌ی کرد به‌وه‌ی که له‌م ڕوانگه‌یه‌وه، کۆماری ئیسلامیی ئێران وه‌ک ئه‌رکی مرۆڤایه‌تی و ئیسلامی خۆی، پاڵپشتی و پشتگیری له خه‌ڵکی هه‌ڵه‌بجه کرد.
سه‌رکونسوڵی کۆماری ئیسلامیی ئێران لە پەیامەکەدا زیادی دەکات ئه‌م پاڵپشتیانه له گه‌لانی ناوچه‌که به تایبه‌ت گه‌لی دۆست و برای عێراق، له قۆناغه جیاوازه میژوویه‌کانی وه‌ک به‌ره‌نگاربوونه‌وه‌ی تیرۆریزم و توندڕه‌وی دا به‌رده‌وام بوو.
ناوبراو ڕاشیگەیاند له بارودۆخێکدا که جیهان له نێویاندا گه‌لانی ناوچه‌که گرفتاری کۆستی گه‌وره‌ی ڤایرۆسی کوشنده‌ی کۆرۆنا بووه و به‌م هۆیه‌وه مه‌راسیمی یادی هه‌ڵه‌بجه هه‌ڵوه‌شاوه‌ته‌وه، هیواخوازم ئه‌م به‌ڵا نه‌فره‌تیه له کۆڵی جیهان، ناوچه‌که و گه‌لانی گه‌وره‌ی ئێران و عێراق ببێته‌وه.
کۆدی هەواڵنێر: 60113
Your Comment