کوردپرێس: به‌پێی راگه‌یێنراوێکی نووسینگه‌ی عادل عه‌بدولمه‌هدی له‌ کۆبوونه‌وه‌که‌ی نێوان سه‌رۆک وه‌زیرانی کاربه‌ڕێکه‌ر و جێنین هێنس پلاسخارتدا دۆخی سیاسیی عێراق، راسپاردنی محه‌ممه‌د تۆفیق عه‌للاوی بۆ پێکهێنانی حکوومه‌تی نوێ، چۆنییه‌تیی پشتیوانی و یارمه‌تیدانی له‌وه‌ی سه‌رکه‌وتوو بێت له‌ ئه‌رکه‌که‌ی، تاوتوێ کراون.

هاوکات ئاماده‌کارییه‌کان بۆ پرۆسه‌ی ڕادەست کردن و گواستنه‌وه‌ی ده‌سه‌ڵات به‌شێوه‌یێکی ده‌ستووری و دیموکراسی و ره‌خساندنی زه‌مینه‌ی گواستنه‌وه‌ی ئاشتییانه‌ی ده‌سه‌ڵات، به‌رده‌وامیدان به‌ کاری ده‌وڵه‌ت و داموده‌زگه‌کان و به‌هێزکردنی ئاسایش و سه‌قامگیری به‌شێکی دیکه‌ی گفتوگۆکان بوون.

سه‌ره‌تای ئه‌م مانگه‌ به‌رهه‌م ساڵح سه‌رۆک کۆماری عێراق محه‌ممه‌د تۆفیق عه‌للاویی بۆ پۆستی سه‌رۆکوه‌زیران راسپارد و به‌ پێی ده‌ستوور ده‌بێت له‌ ماوه‌ی 30 رۆژدا کابینه‌که‌ی پێکبهێنێت.

کۆدی هەواڵنێر: 60113