کوردپرێس:

ڕۆژی یەکشەمە 2ی شوباتی 2020، ئاژانسی هەواڵی فەرمیی عێراق ڕایگەیاند وەزارەتی ناوخۆی عێراق لەبەر مەترسیی بڵاوبوونەوەی ڤایرۆسی کرۆنا بڕیاری داوە قەدەغەی هاتنە ژوورەوەی گەشتیار و هاووڵاتییان بدات لە چینەوە بۆ نێو عێراق.

شایانی باسە حکوومەتی هەرێمی کوردستانیش هەر ئەمڕۆ ڕێگریی کرد لە هاتنی ژن و پیاوێک لە فڕۆکەخانەی هەولێر کە لە وڵاتی چینەوە سەفەریان کردبوو.

کرۆنا ڤایرۆس وەک بەڵایێک بڵاو بۆتەوە و لەبەر ئەوەی دەرمانی سەداسەدی ئەو نەخۆشییە بەدەستەوە نیە و سەرچاوەی بڵاوبوونەوەی نەخۆشییەکەش لە چینەوە بووە و هۆکاری ڤایرۆسەکەش دەگەڕێتەوە بۆ پیسخۆری و ڤایرۆسێکە لە شەمشەمە کوێرەوە دەڕواتە جەستە مرۆڤی پیسخۆر، بۆیەش زۆر وڵاتی ناوچەکە و جیهان ئامادەباشیی تەواویان بۆ ڕووبەڕووبوونەوەی ئەو ڤایرۆسە ڕاگەیاندووە.