بەپێی هەواڵی کوردپرێس، ڕوانگەی مافی مرۆڤی سووری بڵاوی کردۆتەوە کاروانێکی سەربازیی تورکیا کە لە 15 بارهەڵگر پێکهاتبوون لەژێر چاودێریی ئەمنیی تونددا سنووری کریکخان-یان تێپەڕاندووە و داخڵی ئیدلیب بوونەتەوە و لە گوندی کفر عەمیم لە ڕۆژهەڵاتی شارۆچکەی سەرقب بنکەیێکی سەربازییان پێکهێناوە.

هەروەها بەپێی زانیارییەکان کاروانێکی دیکەی سەربازی کە لە 20 بارهەڵگری سوپای تورکیا پێکهاتووە لە شاڕێیانی ئەبووزهوور- سەرقب-ەوە تێپەڕیوە و لە ناوچەی سوامی لە باشووری شارۆچکەی سەرقب جێگیر بوونە.

شایانی باسە ئەو دوو خاڵە سەربازییە نوێیە کە سوپای تورکیا پێکی هێناوە لە نزیک ڕێگای ستراتێژیکی M5 لەنێوان دیمەشق و حەلەبدان.

هاوکات لەگەڵ دامەزراندنی ئەو دوو بنکەدا هاوڵەکان باس لەوە دەکەن کە هێزەکانی سوپای ئازاد لە عەفرینەوە بۆ حەلەب گواستراونەتەوە.

کۆدی هەواڵنێر: 60113