کوردپرێس: کۆمپانیاى سۆمۆ له‌ ماڵپه‌ڕی فه‌رمیى خۆى، ئامارى ساڵى 2019ى فرۆشى نه‌وتى عێراقى بڵاو کردوه‌ته‌وه‌ و تێیدا هاتووه‌، بڕى فرۆشراوى نه‌وت له‌ ساڵی رابردوودا ملیارێک و 287 ملیۆن و 196 هه‌زار به‌رمیل بووه‌، که‌ بۆ هه‌ر رۆژێک 3 ملیۆن و 460 هه‌زار به‌رمیل ده‌کات.

روونیش کراوه‌ته‌وه‌، داهاتى نه‌وتى فرۆشراوی ساڵی رابردوو 78 ملیار و 527 ملیۆن دۆلار بووه‌، واتا داهاتى یه‌ک مانگ 6 ملیار و 543 ملیۆن دۆلار بووه‌، تێکڕای نرخى یه‌ک به‌رمیل نه‌وتیش 61 دۆلار و 6 سه‌نت بووه‌.

سۆمۆ ئاشکراشی کردووه‌، له‌و بڕه‌ نه‌وته‌ی سالی رابردوو فرۆشراوه‌، یه‌ک ملیار و 244 ملیۆن و 957 هه‌زار به‌رمیلى له‌ به‌نده‌ره‌کانى به‌سره‌وه‌ و 33 ملیۆن و 359 هه‌زار به‌رمیل له‌ که‌رکووکه‌وه‌ به‌ به‌نده‌رى جه‌یهانى تورکیا و 7 ملیۆن و 663 هه‌زار به‌رمیلى له‌ کێڵگه‌ نه‌وتیه‌کانى گه‌یاره‌وه‌ هه‌نارده‌ کراون.

کۆدی هەواڵنێر: 60113