کوردپرێس:
كۆشكی سپی لە ڕاگەیێندراوێکدا بڵاوی كرده‌وه كه سه‌ركۆماری توركیا، ڕه‌جه‌ب ته‌یب ئه‌ردۆغان و سه‌رۆكی ئه‌مریكا، دۆناڵد تره‌مپ په‌یوه‌ندییێکی ته‌له‌فۆنییان ئه‌نجام داوه و دۆسیەكانی لیبیا و ئیدلب-یان تاوتوێ كردووه.
جێگری گوته‌بێژی نووسینگه‌ی ڕاگه‌یاندنی كۆشكی سپی ، جود دیری ڕاگه‌یه‌ندراوێكی سه‌باره‌ت به په‌یوه‌ندییه ته‌له‌فۆنییه‌كه‌ی ئه‌ردۆغان و تره‌مپ بڵاو كرده‌وه.
له ڕاگه‌یه‌ندراوه‌كه‌دا هاتووه ''هه‌ردوو سه‌رۆك گفتوگۆیان كردووە له‌سه‌ر پێویستیی ڕاگرتنی ده‌ستوه‌ردانی ده‌ره‌كی له لیبیا و درێژه‌دان به ئاگربه‌ست له‌و وڵاته‌دا و هاوڕابوون له‌سه‌ر كۆتاییهێنان به‌و توندوتیژییه‌ی له ئیدلب درێژه‌ی هه‌یه''.
له ڕاگه‌یه‌ندراوه‌كه‌دا هەروەها ئاماژه به‌وه كراوه كه دۆناڵد تره‌مپ جه‌ختی له‌سه‌ر گرنگیی چاره‌سه‌ركردنی ناكۆكییه‌كانی توركیا و یۆنان كردووه‌ته‌وه سه‌باره‌ت به ده‌ریای ناوه‌ڕاست.
Your Comment