به‌پێی هه‌واڵی کوردپرێس، هێزه‌کانی PKK له‌ ناوچه‌ی چۆکۆرجای پارێزگای جوله‌مێرگ له‌ کاتی هاتوچۆی ئۆتۆمبیلی زرێپۆشی سوپای تورکیا له‌و ناوچه‌یه‌ به‌ ڕاکت هێرشیان کرده‌ سه‌ر ئۆتۆمبیله‌که‌ که‌ به‌ هۆی به‌رکه‌وتنی ڕاکته‌ هاوێژراوه‌که‌ یه‌ک له‌ ئۆتۆمبیلانه‌ هه‌ڵگه‌ڕایه‌وه‌.

به‌پێی ئه‌و زانیارییه‌ی وه‌ده‌ست گه‌یشتوون هێزه‌کانی په‌که‌که‌ که‌ له‌ ناوچه‌ی ئاسلان بۆغازی له‌ ده‌وروبه‌ری گوندی کوپرولۆ هه‌ڵکه‌وتوو له‌ چۆکۆرجای پارێزگای جوله‌مێرگ بۆسه‌یان دابوو به‌ ڕاکته‌وه‌ هێرشیان کرده‌ سه‌ر کاروانی سه‌ربازیی سوپای تورکیا و 6 سه‌ربازی سوپای تورکیا له‌و هێرشه‌دا بریندار بوون.

له‌ حاڵێکدا که‌ سه‌ربازه‌ برینداره‌کان بۆ نه‌خۆشخانه‌ گواستراونه‌ته‌وه‌ ئۆپه‌راسیۆنی به‌ربڵاو له‌ ناوچه‌که‌ بۆ دۆزینه‌وه‌ی ئه‌نجامده‌رانی ئه‌و هێرشه‌ ده‌ستی‌پێکردوووه‌.

سه‌رچاوه‌: هه‌واڵده‌ریی دۆغان

کۆدی هه‌واڵنێر: 60104