بەپێی هەواڵی کوردپرێس، له‌و باره‌يه‌وه سه‌رۆكايه‌تى ئه‌ركانى گشتيى سوپاى توركيا له به‌ياننامه‌يێكدا، رايگه‌ياند: "له ئه‌مڕۆوه هێزه‌كانى توركيا و ئه‌مريكا به جيا كاروانى سه‌ربازيان له هێڵى نێوان ناوچه‌كانى "قه‌ڵغانى فورات" و ناوچه‌كانى ديكه‌ى ده‌ره‌وه‌ى سنوورى "قه‌ڵغانى فورات" جوڵه پێكردووه".
ناوچه‌كانى "قه‌ڵغانى فورات"، سوپاى توركيا و ميليشيا هاوپه‌يمانه‌كانى كۆنترۆڵيان كردووه.
كه‌ناڵه‌كانى راگه‌ياندنى توركيا، ديمه‌نى له‌شكركێشى سوپاى توركيايان به ئاراسته‌ى شارى منبج بڵاو كرده‌وه.
له به‌رامبه‌ردا، فه‌رماندارى گشتيى ئه‌نجوومه‌نى سه‌ربازىی منبج، محه‌ممه‌د ئه‌بو عادل، له لێدوانێكدا بۆ كوردستان24 ڕه‌تي كرده‌وه، سوپاى توركيا هێڵى ته‌ماسى نێوان ناوچه‌كانى ژێر ده‌سه‌ڵاتى هه‌سه‌ده و "قه‌ڵغانى فورات"ى به‌زاندبێت و گه‌يشتبێته ده‌وروبه‌رى منبج.
محه‌ممه‌د ئه‌بو عادل گوتيشى: "ته‌نيا چه‌ند ده‌ورييه‌يێكى سوپاى توركيا له كه‌نارى باكوورى ڕووبارى ساجوور، بينراون.
کۆدی هەواڵنێر: 60113
Your Comment