به‌پێی هه‌واڵی کوردپرێس، سیروان عه‌بدوڵڵا ئه‌ندامی فراكسیۆنی پارتی له ئه‌نجومه‌نی نوێنه‌ران ده‌ڵێت: "ناكرێت له‌به‌ر ئه‌وه‌ی ئه‌نجامه‌كان به دڵی خۆیان نه‌بوون له‌لایه‌ن په‌رله‌مانه‌وه متمانه له كۆمیسیۆن وه‌ربگیرێته‌وه و ئه‌و بڕیاره‌ش له دژی پێشمه‌رگه و هێزه‌كانی ناوخۆ درا زوڵمێكی گه‌وره‌یه له خه‌ڵكی كوردستان."
ناوبراو وتیشی: "زۆر به‌داخه‌وه بۆ لایه‌نه كوردییه‌كانی كه ڕۆڵیان هه‌بوو له‌و زوڵمه له كاتێكدا عه‌ره‌به‌كان بێئاگاییی خۆیان له هه‌ڵوه‌شاندنه‌وه‌ی ده‌نگدانی عه‌ره‌به‌كان ده‌ربڕیوه."
ئه‌و په‌رله‌مانتاره‌ی پارتی داوا ده‌كات "لایه‌نه سیاسییه‌كان كۆ ببنه‌وه و بڕیارێكی دروست له‌باره‌ی كێشه‌كانه‌وه بده‌ن به‌ر له‌وه‌ی بۆشاییی یاسایی دروست بێت."
سیروان عه‌بدوڵڵا ئاشكراشی ده‌كات "هه‌ندێک لایه‌ن له هه‌وڵی درێژكردنه‌وه‌ی ماوه‌ی ئه‌م خوله‌ی په‌رله‌مانن تاوه‌كوو حكوومه‌تی كاربه‌ڕێكه‌ر دروست بكرێت و هه‌ڵبژاردنیش دووباره بكرێته‌وه."
ناوبراو هۆشداریشی دا له ئه‌گه‌ری پێكدادان و ده‌ڵێت: "هه‌موو ئه‌مانه‌ی باسمان كردن ئه‌گه‌رن و چاوه‌ڕوانی پێكدادانیش ده‌كرێت و ده‌بوو كورد له‌و بۆشایییه‌ی له به‌غدا دروست بوووه هه‌وڵی یه‌كڕیزیی بدات."
سه‌رچاوه: تۆڕی هه‌واڵی سلێمانی (SNN)
کۆدی هه‌واڵنێر: 60103
Your Comment