به‌پێی هه‌واڵی کوردپرێس، مه‌سیح حه‌مه‌د ئه‌ندامی كۆمیته‌ی برادۆستی یه‌كێتیی نیشتیمانیی كوردستان به SNNی ڕاگه‌یاند: "هێزه‌كانی توركیا ئێستا له چیای (دێل) جێگیر بوون و ئه‌م چیایه له قه‌زای سۆرانه و له ڕووی ئیداریشه‌وه سه‌ر به پارێزگای هه‌ولێره".
ناوبراو وتیشی: "هێزه‌كانی توركیا له سنووری سۆرانه‌وه زۆر نزیكن و چه‌كی قورسی (دۆشكه‌و هاوه‌ن)یان پێیه و ئاڵاشیان هه‌ڵكردوووه به‌ڵام هیچ مه‌ترسییێكی شه‌ڕ و پێكدادان له نێوان ئه‌و هێزانه‌ی توركیا و پێشمه‌رگه له سنووره‌كه‌دا نییه".
به‌رپرسه‌كه‌ی یه‌كێتی سه‌باره‌ت به كردنه‌وه‌ی باره‌گای نوێ له سنووره‌كه‌دا ئاشكرای كرد: "توركیا له سنووری برادۆست چوار باره‌گایان كردۆته‌وه و تێیدا جێگیر بوون، باره‌گاكانیش ده‌كه‌ونه (چیای دێل، چیای ئاوده‌لكیكی، به‌رمیزه له‌گه‌ڵ چیای كه‌ویت) و له‌م باره‌گایانه‌دا ژماره‌یێكی زۆر كه‌لوپه‌لی سه‌ربازی و چه‌كی قورسیش هه‌یه و كامێرای چاودێریی زۆر پێشكه‌وتووشیان پێیه و له به‌رنامه‌شیاندایه باره‌گایێكی دیكه‌ش بكه‌نه‌وه و زیاتر نزیک ببنه‌وه".
کۆدی هه‌واڵنێر: 60103
Your Comment