کوردپرێس:

مەسعوود بارزانی لەوەڵامی پرسیارێكی كەناڵی كوردستان ٢٤ دا، كە لەرێگەی ئۆفیسی راگەیاندنییەوە لە بارەی دوا رەوشی عێراق و قەیرانی دوای پرۆسەی ھەڵبژاردنی ئەنجوومەنی نوێنەرانی عێراق ئاراستەی بارزانی كرا، ناوبراو رایگەیاندووە "پشتیوانی ھەر ھەوڵێكی دڵسۆزانە و بەرپرسیارانە دەكەین، كە بۆ چارەسەری ئەو قەیرانە چەقبەستووەی ئێستای عێراق و بە تایبەتی چارەسەری دەستووریی پەیوەندییەكانی نێوان ھەرێم و بەغدا دەخرێنە ڕوو".

بارزانی راشیگەیاند "ھیوادارین دوای جەژن ھەموو لایەنە سیاسیەكان بەشداری گفتوگۆیێكی بنیاتنەر بكەن، بۆ گەیشتن بە چارەسەرێكی ئاشتییانە و گونجاو، كە لە بەرژەوەندیی ھەموو گەلانی عێراق و لەسەر بنەمای جێبەجێ كردنی دەستوور بێت".

ئەمە لە كاتێكدایە، ئێستا دۆخی سیاسیی عێراق نائارامییێكی زۆری پێوە دیارە ئەوەش بەهۆی كاردانەوەكانی سەر ئەو هەڵبژاردنەی لە 12ی ئایاری رابردوو بەرێوە چوو.