به‌پێی هه‌واڵی کوردپرێس، عه‌ره‌فات كه‌ره‌م سه‌رۆكی فراكسیۆنی پارتی له میانی لێدوانێكی بۆ میدیای حزبه‌كه‌ی باسی له به‌شێک له‌و كه‌سایه‌تییانه كرد كه بۆ سه‌رۆكایه‌تیی كابینه‌ی داهاتووی حكوومه‌تی عێراق پێشنیاز ده‌كرێن كه یه‌كێكیان هادی عامری سه‌رۆكی حه‌شدی شه‌عبییه كه ئێستا سه‌رۆكایه‌تیی هاوپه‌یمانی فه‌تح ده‌كات.
عه‌ره‌فات كه‌ره‌م ستایشی هه‌ڵوێسته‌كانی هادی عامری كرد به‌رامبه‌ر به كورد و به كه‌سێكی نزیک له كوردیش وه‌سفی كرد.
جێی ئاماژه‌یه ئه‌مشه‌و لیستی فه‌تح به سه‌رۆكایه‌تیی هادی عامری و سائیروون به سه‌رۆكایه‌تیی موقته‌دا سه‌در هاوپه‌یمانییێكیان ڕاگه‌یاند و داواشیان له لایه‌نه‌كانی دیكه كرد كه له پێناو دروست كردنی گه‌وره‌ترین كوتله بۆ پێكهێنانی حكوومه‌تی داهاتوو بچنه نێو هاوپه‌یمانییه‌كه‌یانه‌وه.
سه‌رچاوه: میلله‌ت پرێس
کۆدی هه‌واڵنێر: 60103
Your Comment