به‌پێی هه‌واڵی کوردپرێس، جه‌یمز ماتیس له میانى کۆبوونه‌وه‌ى له‌گه‌ڵ ڕۆژنامه‌نووسان له واشنتۆن ئاماژه‌ی به‌وه کرد شاندی تورکیا و ئه‌مریکا له کۆبوونه‌وه‌یێکدا که بڕیاره له‌م هه‌فته‌یه‌دا ئه‌نجام بدرێت جێبه‌جێ کردنى نه‌خشه‌ڕێگاى به‌ڕێوه‌بردنی مه‌نبه‌ج تاوتوێ ده‌که‌ن.
ناوبراو ڕاشی‌گه‌یاند وڵاته‌که‌ی ئاماده‌ی پێکهێنانى هاوکاریی سه‌ربازییه له‌گه‌ڵ تورکیا له مه‌نبه‌ج و له هه‌فته‌ی داهاتووشدا له ئه‌ورووپا له‌گه‌ڵ به‌رپرسانی تورکیا کۆبوونه‌وه‌یێکى دیکه بۆ تاوتوێ کردنى نه‌خشه‌ڕێگاکه و چۆنیه‌تیى جێبه‌جێ کردنى ئه‌نجام ده‌ده‌ن.
جه‌یمز ماتیس ده‌شڵێت: له ئێستادا هه‌ڵسه‌نگاندن بۆ هۆکاره سه‌ربازیییه‌کانى نه‌خشه‌ڕێگاکه ده‌که‌ن.
وه‌زیرى به‌رگریی ئه‌مریکا ئه‌وه‌شى خستوووه‌ته ڕوو به‌پێی نه‌خشه‌ڕێگاکه سه‌ره‌تا له‌گه‌ڵ تورکیا له ده‌وروبه‌رى مه‌نبه‌ج گه‌ڕان و پشکنینیان ده‌بێت و دواتریش له ناوخۆى مه‌نبه‌ج گه‌ڕان و پشکنین ئه‌نجام ده‌ده‌ن.
سه‌رچاوه: ئێن ئاڕتی
کۆدی هه‌واڵنێر: 60103
Your Comment