به‌پێی هه‌واڵی کوردپرێس، ماهر جه‌وهان بریكاری وه‌زاره‌تی داراییی عێراق به‌ ‌SNNی ڕاگه‌یاند: حه‌یده‌ر عه‌بادی سه‌رۆک وه‌زیرانی عیراق ڕه‌زامه‌ندی ده‌ربڕیوه‌ له‌سه‌ر ناردنی بڕی 317 ملیار و 545 ملیۆن دینار بۆ هه‌رێمی كوردستان له ‌پێش جه‌ژنی ره‌مه‌زان و وه‌زاره‌تی دارایییش ڕێوشوێنه‌ كارگێڕییه‌كانی ته‌واو كردوووه‌.

ئه‌و بریكاره‌ی وه‌زاره‌تی دارایی له‌باره‌ی واده‌ی ناردنی پاره‌كه‌ی بۆ هه‌رێم وتی: "ئه‌گه‌ر ئه‌مڕۆ 11ی 6ی 2018 كاروباره‌ كارگێڕییه‌كانی بانكی ناوه‌ندیی عێراق تایبه‌ت به‌و بڕه‌پاره‌یه‌ كۆتایی بێت ئه‌وه‌ سبه‌ینێ 12ی 6ی 2018 پاره‌كه‌ ده‌گاته‌ بانكی ناوه‌ندیی هه‌ولێر و دواتر ده‌خرێته‌ سه‌ر ژماره‌ حیسابی وه‌زاره‌تی داراییی هه‌رێم."

کۆدی هه‌واڵنێر: 60103