به‌پێی هه‌واڵی کوردپرێس، درەنگانی شەوی ڕابردوو چەند چەکدارێکی داعش لە دوو قۆڵەوە هێرشیان کردۆتەوە سەر گوندی قەرە تەپە سەر بە ناحیەی یایجی لە ڕۆژئاوای کەرکووک و سەنگەرەکانی پێشەوەی لیوای ١٦ی حەشدی شەعبی و بەوهۆیەشەوە ژماریێک چەکداری حەشدی شەعبی کوژراون و بریندار بوون.

ئاماژەی بەوەش کرد، چەکدارانی داعش بە نیاز بوون ئەو گوندە کۆنتڕۆڵ بکەن.

لەو بارەیەشەوە حاجی جەودەت عساف وتەبێژی حەشدی شەعبی لە میحوەری کەرکووک ڕای‌گەیاند: لە ئەنجامی هێرشی داعش بۆ سەر گوندی قەرە تەپە دوو چەکداری حەشدی شەعبی کوژراون و نزیکەی ١٠ی دیکەش بریندار بوون.

ئەوەش لە کاتێکدایە شەوی هەینی لە سەر شەممەی ڕابردوو دوو تەقینەوە و هێرشێک لە ناو شاری کەرکووک ڕوویاندا و لە ئاکامدا ژمارەیێک کەس کوژران و بریندار بوون.

سه‌رچاوه‌: NRT

کۆدی هه‌واڵنێر: 60103