بەپێی هەواڵی کوردپرێس، عه‌بدولستار به‌یره‌قدار وته‌بێژی ئه‌نجومه‌نی باڵای دادوه‌ریی عێراق له به‌یاننامه‌یێكدا ئاشكرای كرد، ئه‌نجومه‌نی باڵا ئه‌و دادوه‌رانه‌ی ده‌ستنیشان كرد، كه سه‌رپه‌رشتیی پڕۆسه‌ی هه‌ژمار كردنه‌وه‌ی ده‌نگه‌كانی هه‌ڵبژاردنه‌كه‌ی په‌رله‌مانی عێراق به‌ده‌ست ده‌كه‌ن، ئه‌وه‌ش به‌گوێره‌ی مادده‌ی چوار له هه‌مواری یاسای هه‌ڵبژاردنه‌كانی عێراق.
وته‌بێژی ئه‌نجومه‌نی باڵای دادوه‌ریی عێراق ئاماژه‌ی به‌وه‌ش دا، كۆبوونه‌وه‌كه به‌سه‌رۆكایه‌تیی دادوه‌ر فایه‌ق زێدان ئه‌نجام دراوه، تیایدا بانگهێشتی زۆرێک له به‌رپرسانی باڵای كۆمسیۆنی سه‌ربه‌خۆی هه‌ڵبژاردنه‌كانی عێراق له‌وانه فه‌رمانگه‌ی چالاكیه‌كان، به‌ڕێوه‌به‌ری گشتی فه‌رمانگه‌ی سكاڵاكان كردووه.
ڕۆژی چوارشه‌ممه‌ی ڕابردوو په‌رله‌مانی عێراق یاسای هه‌ڵبژاردنه‌كانی هه‌مواركرده‌وه، ده‌سه‌ڵاتی كۆمسیۆنی به‌خشییه ئه‌نجومه‌نی باڵای دادوه‌ریی، بۆ ڕایكردنی كاره‌كانی پڕۆسه‌ی هه‌ژماركردنه‌وه‌ی ده‌نگه‌كان به‌ده‌ست.
سەرچاوە: السومریە نیوز
کۆدی هەواڵنێر: 60113
Your Comment