بەپێی هەواڵی کوردپرێس، موحه‌ڕه‌م ئینجه‌ به‌ربژێری جه‌هه‌په‌ بۆ سه‌رۆكایه‌تیی كۆماری توركیا له‌ هه‌ڤپه‌یڤینێكی تایبه‌تیدا له‌گه‌ڵ میدیاكانی توركیا رایگه‌یاند: رۆژی دووشه‌ممه‌ 11-6-2018 بانگه‌شه‌ی هه‌ڵبژاردن له‌ ئامه‌دی ئه‌نجام ده‌دات و له‌وێش سه‌ردانی ماڵی سه‌لاحه‌ددین ده‌میرتاش ده‌كات و له‌گه‌ڵ باشاک ده‌میرتاش هاوژینی سەلاحه‌دین ده‌میرتاش و خانه‌واده‌كه‌ی كۆ ده‌بێته‌وه‌.

ئینجه‌ راشیگه‌یاند: "رۆژی 9-5-2018 سه‌ردانی سه‌لاحه‌دین ده‌میرتاشم كرد له‌ گرتووخانه‌ی سزا قورسه‌كانی ئه‌دیرنه‌، پێم راگه‌یاند كه‌ له‌ ئامه‌دیش میتینگ ساز ده‌كه‌م.

موحه‌ڕه‌م ئینجه‌ كاژێر 17:00-ی رۆژی دووشه‌ممه‌، میتینگێكی جه‌ماوه‌ری بۆ ده‌نگده‌رانی له ئامه‌د ساز ده‌كات و دواتر سه‌ردانی ماڵی ده‌میرتاش ده‌كات.

کۆدی هەواڵنێر: 60113