به‌پێی هه‌واڵی کوردپرێس، ئه‌حمه‌د مه‌حجوب وته‌بێژی وه‌زاره‌تی ده‌ره‌وه‌ی عێراق له‌ به‌یاننامه‌یێكدا ڕای‌گه‌یاندوووه‌ كه‌ وڵاته‌كه‌ی بۆ جێگری سه‌رۆكی 73هه‌مین خولی كۆمه‌ڵه‌ی گشتیی نه‌ته‌وه‌ یه‌كگرتوووه‌كان ده‌ستنیشان كراوه‌.

مه‌حجوب ده‌ڵێت: ئه‌و هه‌نگاوه‌ ڕۆڵی كاریگه‌ریی ده‌بێت له‌ جێبه‌جێ كردنی پرۆگرامی گه‌شه‌پێدانی به‌رده‌وام بۆ ساڵی 2030 و یارمه‌تیده‌رێكی كارا ده‌بێت له‌ په‌ره‌پێدانی شێوازی كار كردنی كۆمه‌ڵه‌ی گشتی و به‌هێزبوونی ڕۆڵی عێراق له‌ گۆڕه‌پانی نێوده‌وڵه‌تی.

وته‌بێژی وه‌زاره‌تی ده‌ره‌وه‌ی عێراق ئاماژه‌ی به‌وه‌ كردوووه‌ كه‌ هه‌ڵبژاردنی وڵاته‌كه‌ی بۆ ئه‌و پۆسته‌ سه‌ركه‌وتنێكی دیپلۆماسییه‌ و پێگه‌ی وڵاته‌كه‌ی به‌هێز ده‌كات له‌سه‌ر ئاستی نه‌ته‌وه‌ یه‌كگرتوووه‌كان و په‌یوه‌ندییه‌ فره‌لایه‌نه‌كانی.

شایانی باسه‌؛ ڕۆژی سێشه‌ممه‌ی رابردووش وه‌زاره‌تی ئاوه‌دانكردنه‌وه‌ و نیشته‌جێكردنی عێراق بوو به‌ ئه‌ندامی ئه‌نجومه‌نی فه‌رمانڕه‌وا له‌ به‌رنامه‌ی نه‌ته‌وه‌ یه‌كگرتوووه‌كان بۆ نیشته‌جێ كردن له‌ ماوه‌ی نێوان 2019-2022 له‌ كۆمه‌ڵه‌ی ئاسیا و زه‌ریای هێمن.

سه‌رچاوه‌: ڕادیۆ نه‌وا

کۆدی هه‌واڵنێر: 60103