به‌پێی هه‌واڵی کوردپرێس، له میانی بانگه‌شه‌ی هه‌ڵبژاردنی هه‌ده‌په له شاری رۆحای تورکیا سزای ته‌مه‌لی هاوسه‌رۆكی هه‌ده‌په وتی: "سه‌رجه‌م ڕۆژه‌كانی هه‌فته بۆ سه‌رخستنی لیستی هه‌ده‌په كار ده‌كه‌ن و ئامانجیان به‌ده‌ستهێنانی 180 كورسیی په‌رله‌مانی توركیایه بۆ ئه‌وه‌ی دیكتاتۆری له‌و وڵاته‌دا شكست پێبهێنن."
ناوبراو وتیشی: له تورکیا ده‌سه‌ڵات ده‌ستی كردو‌ووه به لابردنی هه‌ندێک له سندوقه‌كان و گواستنه‌وه‌یان بۆ شوێنێكی‌تر به‌ڵام ده‌بێت ئه‌وه بزانن سندوقه‌كان له هه‌ر كوێ بن پڕ ده‌بن له ده‌نگی هه‌ده‌په‌یییه‌كان.
هاوسه‌رۆكی هه‌ده‌په دووپاتیشی كرده‌وه له هه‌ڵبژاردنی 24ی حوزه‌یراندا وه‌ڵامی ده‌سه‌ڵاتدارانی توركیا ده‌ده‌نه‌وه و به‌ر به ده‌سه‌ڵاتخوازی و دیكتاتۆرییه‌ت ده‌گرن.
سه‌رچاوه: KNN
کۆدی هه‌واڵنێر: 60103
Your Comment