به‌پێی هه‌واڵی کوردپرێس، محه‌مه‌د مسته‌فا فه‌رمانده‌ی هێزه‌كانی ئه‌نجومه‌نی سه‌ربازیی مه‌نبه‌ج ڕای‌گه‌یاند كه‌ به‌ڵێنیان پێدراوه‌ هێزه‌كانی ئه‌مریكا له ‌ناوچه‌كه‌ ده‌مێننه‌وه‌ و ناكشێنه‌وه‌.

محه‌مه‌د مسته‌فا ڕاشی‌گه‌یاند: ئه‌و به‌ڵێنه‌ له‌لایه‌ن فه‌رمانده‌كانی ئه‌مریكا پێیان دراوه ‌و جه‌ختیان كردوووه‌ته‌وه‌ هیچ ڕێككه‌وتنێک كاریگه‌ری له‌سه‌ر بڕیاره‌كه‌یان نابێته‌وه‌.

له ‌چه‌ند ڕۆژی ڕابردوودا ئه‌مریکا و توركیا له‌سه‌ر نه‌خشه‌رێگایێک له‌باره‌ی مه‌نبه‌ج رێككه‌وتن كه‌ به‌پێی ڕێككه‌وتنه‌كه‌ یه‌كینه‌كانی پاراستنی گه‌ل (یه‌په‌گه)‌ له‌ شاره‌كه‌ بكشێنه‌وه كه‌ ئه‌نقه‌ره‌ به ‌بوونیان رازی نییه‌ و هه‌ر له‌وباره‌وه‌ ئه‌و به‌رپرسه‌ی ئه‌نجومه‌نی سه‌ربازیی مه‌نبه‌ج ئه‌وه‌ی ڕاگه‌یاندوووه‌ كه‌ ئه‌وان له‌باره‌ی نه‌خشه‌رێگاكه‌ زانیارییان نییه ‌و بڕیاره‌ به‌م نزیكانه‌ كۆبوونه‌وه‌ بكه‌ن و ڕوونكردنه‌وه‌یان له‌باره‌ی نه‌خشه‌ڕێگاكه‌ پێبدرێت.

محه‌مه‌د مسته‌فا باسی له‌وه‌ش كردوووه‌ هێزه‌كانی ئه‌مریكا و فه‌ڕه‌نسا له ‌مه‌نبه‌ج ماونه‌ته‌وه‌ و ته‌نانه‌ت ئه‌و هێزانه‌ له‌ هێڵی پێشه‌وه‌ی به‌ره‌كانی جه‌نگن له ‌مه‌نبه‌ج.

سه‌رچاوه‌: شارپرێس

کۆدی هه‌واڵنێر: 60103