کوردپرێس:

محەمەد عەبد رەبە، سەركردە لە هاوپەیمانیی نەسڕ بە سەرۆكایەتی حەیدەر عەبادی، بە ماڵپەڕی بغداد الیوم-ی راگەیاندووە: پرۆسەی پێكهێنانی كابینەی داهاتووی حكوومەت، وەك ساڵانی پێشوو، قورس و ئەستەم نابێت، لەبەر ئەوەی وڵات بەچەند قەیرانێكدا گوزەر دەكات و سەرجەم لایەنەكانیش دەرك بەو مەترسییانە دەكەن كە لە ئەنجامی پێكنەهێنانی حكوومەت، دوچاری دەبینەوە.

وتیشی: لایەنە براوەكانی هەڵبژاردن، لە رێككەوتن بۆ پێكهێنانی حكوومەت نزیكبوونەتەوەو بەم زووانەش گەورەترین كوتلەی پەرلەمانی پێكدەهێنرێت بۆ ئەوەی ئەركی پێكهێنانی كابینەی نوێی حكوومەتی پێ بسپێردرێت.

چاوەڕوانیش دەكرێت لەدوو رۆژی داهاتوودا، دادگای باڵای فیدراڵی بڕیاری كۆتایی لەسەر ئەنجامی هەڵبژاردنە پەرلەمانییەكەی 12ی 5 بدات.

کۆدی هەواڵنێر: 60101