بەپێی هەواڵی کوردپرێس، ئەمڕۆ یەكشەممە ئەنجومەنی سەركردایەتیی یەكێتی كۆ بووەوە و پاش كۆبوونەوەكەش سەعدی پیرە لە كۆنگرەیێكی رۆژنامەوانیدا سەبارەت بە ناڕەزایەتییەكان لەسەر ئەنجامی هەڵبژاردنەكان رایگەیاند: یەكێتی لاریی نییە لە هەر رێكارێكی یاسایی و دەستووری بۆ رەواندانەوەی نیگەرانی لایەنە سیاسییە ناڕازییەكان.
ناوبراو وتیشی: لەو بابەتەدا ئێمە خۆمان ناتوانین ببینە دادوەر، بەڵكوو كۆمسیۆن و دادگای فیدراڵی لایەنی یەكلاكەرەوەن و ئەوان هەر بڕیارێک بدەن ئێمە ملكەچی دەبین و یەكێتی لەم بابەتەدا بێ منەتە.
ئاماژەی بەوەش دا كە پێكەوە ئیش كردن لەگەڵ لایەنە سیاسییەكان بەردی بناغەی سەركەوتنیانە لە عێراق.
ناوبراو وتیشی ئێمە بەدەنگ توانیمان كوردستانییەتی كەركووک بسەلمێنین لەو بارودۆخە قورسەدا بۆیە پێویستە سوپاس بكرێین.
کۆدی هەواڵنێر: 60113
Your Comment