به‌پێی هه‌واڵی کوردپرێس، عه‌لی حوسێن ئه‌ندامی سه‌ركردایه‌تیی پارتی به SNNی ڕاگه‌یاند: "ئێمه وه‌ک پارتی ڤیتۆمان له‌سه‌ر هیچ لایه‌نێكی سیاسیی هه‌رێم نییه به بزووتنه‌وه‌ی گۆڕانیشه‌وه و ئاماده‌ین دانیشتنیان له‌گه‌ڵ ئه‌نجام بده‌ین و جیاكاری ناكه‌ین له نێوان لایه‌نه‌كاندا كه ئه‌گه‌ر خاوه‌نی زۆرترین یان كه‌مترین كورسیی په‌رله‌مانی بن."
ناوبراو وتیشی: "له كاتێكدا ئێمه خاوه‌نی زۆرترین كورسی په‌رله‌مانین ئاماده‌ین له دانیشتنه‌كانمان له‌گه‌ڵ هه‌ر لایه‌نێكی سیاسی به بزووتنه‌وه‌ی گۆڕانیشه‌وه سازش بكه‌ین له‌سه‌ر هه‌ر پۆستێک كه پشكی ئێمه بێت و گرفتمان نییه بۆ هه‌ر لایه‌نێكی سیاسی هه‌رێم به‌و مه‌رجه‌ی یه‌كڕیزیی كورد بپارێزێت."
سه‌ركردایه‌تییه‌كه‌ی پارتی ئه‌وه‌شی ڕوون كرده‌وه "ئه‌وه‌ی به لای پارتییه‌وه گرنگه یه‌كڕیزیی نێو ماڵی كورده له به‌غدا و ئه‌گه‌ر هه‌ر پۆستێكیش مافی ئێمه بێت و له‌پێناو یه‌كڕیزیدا بیبه‌خشین ئه‌وه لای پارتی ئاسایییه چوونكه له‌پێناو پاراستنی به‌رژه‌وه‌ندیی هه‌رێمی كوردستاندایه."
کۆدی هه‌واڵنێر: 60103
Your Comment