بەپێی هەواڵی کوردپرێس، پەروین بوڵدان، هاوسەرۆکی پارتی دیموکراتیکی گەلان لە وتەکانیدا ئاماژەی دا بە هەڵبژاردنەکانی 24ی حوزەیرانی 2018 لە تورکیا ڕایگەیاند: لە 24ی حوزەیرانی 2018 درکەی زیندانەکان دەکرێنەوە. هەموو زیندانییەکان، سەلاحەدین دەمیرتاش، فیگن یوکسداخ، ئیدریس بالوکن و هەمووان ئازاد دەکرێن. ئەم وڵاتە وڵاتێک نییە کە چاولەدەستی پارتی داد و گەشە بووبێت. چیدی کاتی ڕۆیشتنی پارتی داد و گەشە گەیشتووە، چیدی کاتی ئەوەیە کە جەنابی ئەردۆغان لە خانووەکەیدا لەگەڵ نەوەکانی یاری بکات.

ناوبراو لە درێژەی وتەکانیدا زیادی کرد: ئەوان ترسیان لە پارتی دیموکراتیکی گەلان و سەلاحەدین دەمیرتاش هەیە. سەرەڕای هەوڵەکانیان بۆ لەناو بردنی ئێمە ئێمە لە مەیدانەکانی شارین. ئێمە وەکوو پارتی دیموکراتیکی گەلان هیوای وڵاتین.

سەرچاوە: ڕۆژنامەی ئوورنسل

کۆدی هەواڵنێر: 60113