بەپێی هەواڵی کوردپرێس، فراكسیۆنەكان لەبزووتنەوەی گۆڕان‌ و كۆمەڵی ئیسلامی ‌و یەكگرتووی ئیسلامی پێكهاتوون، ئەمڕۆ پێنج شەممە لە بەیاننامەیێكدا وەڵامی فوئاد مەعسوم-یان داوەتەوە و رایانگەیاندووە سەرۆک كۆمار دەبێت پارێزگاری لە هەموو مادە دەستوورییەكان بكات، نەک بەخواستی خۆی قسە لەسەر پرسەكان بكات.

ئەو فراكسیۆنانە راشیانگەیاندووە، كە چەندین مادەی دەستووری هەبووە، لەماوەی رابردوو فوئاد مەعسووم لەسەری بێدەنگ بووە، ئێستا بۆ "پرسی ساختەكاری هەڵبژاردن هاتووەتە سەر خەت‌و باسی نادەستووری بڕیارەكانی پەرلەمان دەكات".

فوئاد مەعسووم رۆژی چوار شەممە داوایێكی بۆ دادگای دەستووری وەک سكاڵا بەزركردەوە، كە تانەی لەو بڕیارەی پەرلەمانی عێراق داوە لەبارەی هەڵبژاردنی 12ی ئایاری رابردوو دەریكردووە.

سەچاوە: شارپرێس

کۆدی هەواڵنێر: 60113