به‌پێی هه‌واڵی کوردپرێس، غه‌یاس سوورچی كارگێری مه‌ڵبه‌ندی نه‌ینه‌وای یه‌كێتیی نیشتمانی له لێدوانێكدا به SNN رای‌گه‌یاند: ئه‌و ئاوارانه‌ی پارێزگای نه‌ینه‌وا و قه‌زای شنگال كه له سنووری پارێزگاكانی هه‌ولێر و دهۆک نیشته‌جێ بوون به‌هۆی وێران بوونی ناوچه‌كانیانه‌وه ناتوانن بگه‌ڕێنه‌وه زێدی خۆیان به‌تایبه‌ت كه هیچ خزمه‌تگوزارییێک بۆ شوێنه‌كانیان دابین نه‌كراوه.
ئاشكراشی كرد: ئاواره‌كانی نیشته‌جێی هه‌رێم مافی ده‌نگدانیان ته‌نها بۆ هه‌ڵبژاردنی ئه‌نجومه‌نی نوێنه‌رانی عێراق هه‌یه و ناسنامه‌كانیان كوردستانی نییه، بۆیه ناتوانرێت به‌شداری هه‌ڵبژاردنی په‌رله‌مانی كوردستان بكه‌ن و لایه‌نێكی سیاسی ده‌نگه‌كانیان له به‌رژه‌وه‌ندی خودی خۆی یه‌كلای بكاته‌وه.
روونیشی كرده‌وه: پێشتر دوو لیوا له پێكهاته‌ی عه‌ره‌ب و توركمان كه نزیكبوون له پارتی دیموكراتی كوردستان له سنووری پارێزگای نه‌ینه‌وا و شنگال پێكهێنرا بوون، به‌ڵام دوای هاتنی هێزه‌كانی حه‌شدی شه‌عبی به‌شێكی زۆری كه‌سانی ناو دوو لیواكه ده‌ستیان له‌كار كێشاوه‌ته‌وه و له‌شوێنی خۆیان نیشته‌جێ بوون.
وتیشی: ئه‌و دوو لیوایه كه له لایه‌ن پارتیه‌وه سه‌رپه‌رشتی ده‌كرا وه‌ک پێكهاته ماوه، چوونكه زۆربه‌ی ئه‌و كه‌سانه‌ی عه‌ره‌ب و توركمان بوون له دوو لیواكه وازیان هێناوه و په‌یوه‌ندییان به‌و هێزانه‌وه نه‌ماوه.
کۆدی هه‌واڵنێر: 60103
Your Comment