به‌پێی هه‌واڵی کوردپرێس، لەیلا عەبدوڵڵا جەزیرە بە ئاژانسی سپوتنیکی ڕووسى ڕاگەیاندوووە: ئۆپراسیۆنە هاوبەشەکەیان بەردەوام دەبێت تا ناوچەکانی سەر سنووری عێراق بە تەواوی لەدەست داعش کۆنتڕۆڵ دەکەنەوە.
باسی لەوەش کرد: ئامانجی داهاتوویان گوندی هەجین دەبێت کە یەکێکە لە کۆتا پێگەکانی داعش لە سنووری نێوان سووریا و عێراق.
سەرەتاى ئەم مانگە هێزەکانی سووریاى دیموکرات دەست‌پێکردنەوەى ئۆپراسیۆنى گەردەلولی جەزیرەی ڕاگەیاند بۆ کۆنتڕۆڵ کردنەوەى دوایین ناوچەکانى ژێر دەسەڵاتى داعش لە ڕۆژهەڵاتى سووریا.
ئۆپراسیۆنەکە کە ئامانج لێى کۆنتڕۆڵ کردنەوەى ناوچەکانى پارێزگاى دێرەزوورە لە ڕۆژهەڵاتى سووریا لە ساڵى ڕابردووەوە دەستی‌پێکردوووە و زۆرینەى ناوچەکە کۆنتڕۆڵ کراوەتەوە، بەڵام سەرەتاى ئەمساڵ بەهۆى هێرشەکانی تورکیا بۆ سەر عەفرین ئۆپراسیۆنەکە ڕاگیرا و بەشێک لە شەڕڤانانى هەسەدە ڕەوانەى بەرەکانى شەڕى عەفرین کران.
کۆدی هه‌واڵنێر: 60104
Your Comment