به‌پێی هه‌واڵی کوردپرێس، دوێنێ پاش لێدوانه‌که‌ی سزایی تمللی هاوسه‌رۆکی پارتی دیموکراتیکی گه‌لان له‌ میتینگی مه‌یدانی باتی که‌نتی ئه‌نقه‌ره‌ گرووپێکی 25 -30 که‌سی له‌ نه‌ته‌وه‌خوازانی تورکیا هێرشیان کرده‌ سه‌ر میتینگی پارتی دیموکراتیکی گه‌لان له‌ ئه‌نقه‌ره‌ و لافیته‌کانی ئه‌و حیزبه‌یان دڕی. ئه‌و هه‌ڵمه‌ته‌ کاردانه‌وه‌ی که‌سانی ئاماده‌بوو له‌ میتینگه‌که‌ی لێکه‌وته‌وه‌ و له‌ نێوان دوو لا شه‌ڕ دروست بوو.

پاش ئه‌و شه‌ڕه پۆلیس‌ پاڵپشتی له‌ گرووپی هێرشبه‌ر کرد و ئه‌ندامانی میتینگی پارتی دیموکراتیکی گولانی سه‌رکوت کرد و هێرشی کرده‌سه‌ر هاووڵاتییان. له‌ حاڵێکدا که‌ 2 که‌س له‌ ئه‌ندامانی ئه‌و میتینگه‌ له‌ لایه‌ن گرووپه‌ هێرشبه‌ره‌که‌وه‌ بریندار بوون، پۆلیس هیچ یه‌ک له‌و که‌سانه‌ی که‌ هێرشیان کردۆته‌ سه‌ر پارتی دیموکراتیکی گه‌لان ده‌ستگیر نه‌کردوووه‌.

سه‌رچاوه‌: ڕۆژنامه‌ی ئۆرنه‌سل

کۆدی هه‌واڵنێر: 60104