به‌پێی هه‌واڵی کوردپرێس، حسێن عادلی له به‌یاننامه‌یێکدا ئاماژه به‌وه ده‌کات حیزبه سیاسییه‌کان که هاوپه‌یمانی نه‌سر له‌گه‌ڵیان دیداری کردوووه دژ به وه‌رگرتنی دووباره‌ی پۆستی سه‌رۆک وه‌زیرانی عێراق له‌لایه‌ن عه‌بادییه‌وه نین و داوای پێکهێنانی به‌په‌له‌ی ده‌وڵه‌تی نوێی عێراق ده‌که‌ن.
ناوبراو وتیشی: حه‌یده‌ر عه‌بادی پێگه‌ی جه‌ماوه‌ری باشی لای حیزبه سیاسییه‌کان له‌وان هاوپه‌یمانیی سائیروون بۆ وه‌رگرتنی پۆستی سه‌رۆک وه‌زیران هه‌یه.
ناوبراو ده‌شڵێت: ڕێککه‌وتنێکی زۆر له نێوان قه‌باره سیاسییه‌کان بۆ به‌ڕێوه‌چوونی دانیشتنی په‌رله‌مان له سه‌ره‌تای مانگی جوونی داهاتوو هه‌یه به مه‌به‌ستی هه‌ڵبژاردنی سه‌رۆک کۆماری عێراق و دواتر دیاری کردنی سه‌رۆک وه‌زیرانی ئه‌و وڵاته له ڕێگای گه‌وره‌ترین فراکسیۆنی په‌رله‌مانه‌وه.
سه‌رچاوه: هه‌واڵده‌ریی سۆمه‌ریه نیووز
کۆدی هه‌واڵنێر: 60103
Your Comment