بەپێی هەواڵی کوردپرێس، محەمەد كەمال، ئەندامی ئەنجومەنی پارێزگای كەركووک لەسەر فراكسیۆنی پارتی، رایگەیاند: گلەییەكانی توركمان و عەرەبەكانی كەركووک لە ئەنجامی هەڵبژادنە پەرلەمانییەكەی عیراق لە جێی خۆیدا نییە و یەكێتی ساختەكاری لە دەنگداندا نەكردوە.

بەوتەی ئەو بەرپرسەی پارتی لە كەركووک، ئەو شەش كورسییەی كە یەكێتی لە پارێزگاكە بەدەستی هێناوە، مافی خۆی بووە، وتی: تەنانەت كورد لە كەركووک شایستەی خۆیشی كەمتری هێناوە، چوونكە شایستەی كورد لە سنوورەكە 7 بۆ 8 كورسیی پەرلەمانییە.

ناوبراو راشیگەیاند: "توركمان لەم هەڵبژادنە، توانی سوود لە پەرتەوازەیی لیستە عەرەبییەكان و فرە لیستیی كورد لە كەركووک وەربگرێت و سێ كورسیی پەرلەمانی بەدەست هێنا، كە لە شایستەی خۆی زیاترە، چوونكە بەپێی دانیشتووانی توركمان لە كەركووک، ئەو نەتەوەیە مافی دوو كورسی هەیە و عەرەبەكانیش چوار كورسی".

سەرچاوە: تۆڕی هەواڵی سلێمانی

کۆدی هەواڵنێر: 60113